blondínarskrif

Enn ein tilraun

Mon, 21 Nov 2011 08:39:58 GMT

Enn ein tilraun gerð til að fara að blogga, er alltaf að hugsa um allt það sem ég verð að blogga um en augljóslega ekki komið því í verk að setja það hérna inn!

Táknrænt að síðasta færsla hófst á því hversu óánægð ég var í vinnunni, lítið breyst síðan þá nema kannski að í síðustu viku ákvað ég að láta veikindaskrifa mig og njóta þess að vera heimavinnandi ólétt húsmóðir:) Sem er bara 5 dögum síðar býsna ljúft verð ég að segja! Kannski það verði til þess að ég fari að blogga...hver veit!

Mannskemmandi...

Tue, 17 May 2011 09:28:13 GMT

...fátt eins leiðinlegt og að vera óánægður í vinnu...held að ég ljúgi engu um það. Sem betur fer koma góðir samstarfsfélagar manni langt áfram.

Þetta átti annars ekkert að vera nein pirrings færsla...lífið bara býsna gott hérna í Sviss. Sólin farin að skína aftur eftir rigningu og kulda (já hitinn fór niður í 12 gráður!) í um 5 daga...en allt sem sagt á uppleið þessa stundina og spáin segir 25 gráður í dag! Hreint ekkert að því held ég að megi segja:)
Er annars alltaf að leita eftir au-pair fyrir næsta haust/vetur, svona ef ske kynni að e-r ætti leið hér um sem veit um aðila sem hefði áhuga!

Grislingar veikir heima, Soffía verður örugglega orðin gráhærð af inniveru þegar ég kem heim um 4 í dag:-/

Sumarfrí eftir mánuð...jibbý jei! Stefnan sett á Svíþjóð í 10 daga...amman kemur frá Íslandi og verður í viku og ég veit ekki hvað og hvað. Treysti á að ég geti legið á ströndinni og sólað mig í Sverige:)

Heppin!

Tue, 15 Mar 2011 11:28:29 GMT

Enn og aftur rann tad upp fyrir mer i morgun hversu ogurlega heppin eg er! Var i bilnum ad skutlast til Lausanne med Viktoriu til barnalaeknis, vedrid frabaert, utsynid meirihattar og i hvert sinn sem VDG leit a mig brosti hun tessu yndislega prakkarabrosi sinu. Er svo otrulega heppin ad eiga tvö falleg börn, mann, foreldra, systkini, vini, tengdafjölskyldu og svona maetti lenga telja...by i otrulega fallegu landi...er heilsuhraust, hef vinnu og hef akkurat ekki undan neinu ad kvarta. Jah nema tad kannski ad vera eftirsott i vinnu annars stadar og turfa hugsanlega ad gera tad upp vid mig a naestu vikum hvort eg vilji fara i 100% vinnu og vera tvi meira i burtu fra grislingunum minum;) En tad er audvitad ekkert til ad kvarta yfir, heldur bara teim mun meira til ad thakka fyrir!
Thetta lif er hreint ut sagt magnad...reynum ad muna thad og thakka fyrir alla daga:)

Pirringur

Mon, 14 Mar 2011 07:48:25 GMT

Alveg tilvalid ad vera med pirring a manudagsmorgni. Tetta er e-n veginn tannig dagur;)
Tegar eg var a leidinni i vinnuna i morgun ta for eg allt i einu ad rifja upp tegar KDG faeddist. Eg hef natturulega valid ad bua i Sviss, fjarri fjölskyldu og vinum, og komst ad tvi 2008 ad faedingarorlof er af skornum skammti herna (14 vikur!). KDG kom i heiminn a föstudegi og fekk Gummi sinn heila dag i orlof tann daginn, sidan var vinna hja honum daginn eftir. Eg var a sjukrahusinu tar til a midvikudegi og Gummi rett komst ur vinnunni til ad skutla okkur maedginum heim rett fyrir hadegi. Gummi helt svo bara afram i sinni vinnu. Eg fekk nakvaemlega 2 heimsoknir tessa 5 daga sem eg var a sjukrahusinu en a sennilega alltaf eftir ad thakka fyrir nutimataeknina (Skype) eftir ad eg kom heim en eitt af tvi fyrsta sem var gert tegar eg kom heim var ad heyra (sja) mömmu sem horfdi a mig og reyndi svo ad fa mig til ad slaka öxlunum nidur tar sem eg sat gjörsamlega pinnstif (af sarsauka) medan eg var ad gefa KDG...pirringurinn kom til tegar eg rifjadi upp samtal sem eg atti vid konu a Islandi fyrir nokkrum manudum sem var ad tala um hvernig konur hefdu eiginlega farid ad adur ad eignast börn....konur i dag hefdu tad svo rosalega gott...eitthvad meira kom nu fram i tessu samtali sem eg man ekki nogu vel. Eftir ad hafa kynnst kerfinu herna uti ta held eg tvi fram ad konur a Islandi hafi tad bara nokkud gott, serstaklega hvad vardar faedingarorlof. Pabbarnir hafa jafnvel kost a tvi ad vera heima i nokkrar vikur eftir ad barnid er komid i heiminn, eda taka ser faedingarorlof eftir ad mamman fer ad vinna. Margar konur a Islandi hafa lika traust tengslanet vina og fjölskyldna, sem eg fer vissulega a mis vid tar sem eg hef valid ad bua i Sviss. En tad ad foreldrar geti verid heima i allt upp i 1 ar heima hja barninu eru gridarleg forrettindi....einhvern veginn "reddast" tetta samt alltaf;)

Kaffi

Mon, 07 Feb 2011 19:35:18 GMT

Nú drekk ég ekki kaffi sjálf eða mjög lítið af því en mikið fer það í taugarnar á mér fólk sem mætir ekki í vinnuna fyrr en 8:30 og fer beint í kaffi og kemur 15 mínútum síðar á skrifstofuna. Þá er auðvitað byrjað á því að kveikja á tölvunni og skanna tölvupóstinn og má því eiginlega segja að vinnudagurinn hefjist ekki fyrr en í fyrsta lagi um 9...hvað þá ef þú ert búin að vinna 4 daga á vinnustaðnum...en á hinn bóginn er ég fyrir löngu búin að sjá það að þetta er yfirleitt fólkið sem fær stöðuhækkanirnar/launahækkun/o.s.frv....a.m.k. á mínum vinnustað. Ég þarf kannski að byrja á því að drekka kaffi til að átta mig á þessu haha;)
Löng pása búin hérna á blogginu...síðasta bloggið í september rétt áður en mamma kom til okkar og var au-pair í mánuð...október var því pakkaður...fengum líka gesti í nóvember sem og glænýja au-pair. Desember flaug áfram í jólaundirbúningi+ferðalagi/dvöl á Íslandi. Janúar hefur svo auðvitað flogið áfam á sama hraða og fyrsta vikan af febrúar liðin..sé fram á að febrúar verði farin áður en ég veit af...Svíþjóð á dagskrá í næstu viku þar sem haldið verður mini ættarmót hjá Edda bróður...hef ekki séð þau síðan í byrjun janúar 2010 og því mikil tilhlökkun að hitta þau öll. Au-pairið ætlar í roadtrip til Basel og Gummi verður því einn heima og skilst mér að það verði partý á meðan við erum öll í burtu hahaha

Lofa því að það líður ekki svona langt á milli bloggfærslna frá og með þessari færslu!

Eldhússtörf

Fri, 24 Sep 2010 11:16:51 GMT

Mér finnst iðulega gaman að vera í eldhúsinu mínu...best finnst mér að sitja og borða...en finnst reyndar líka mjög gaman að baka! Ætli uppáhaldið mitt sé samt ekki að skipuleggja...já í eldhúsinu sem og í öðrum herbergjum íbúðarinnar;) Gummi sagði fyrir stuttu að erfitt væri að finna boxin innan um öll boxin...já ég hef farið mikinn að skipuleggja eldhússkápana undanfarið.
Eitt er það samt sem mér finnst afar leiðinlegt að gera í eldhúsinu og það er að elda...já sennilega eitt af því leiðinlegasta sem ég geri...nema það sé eitthvað sem ég kann s.s. lasagne, karrýfiskréttinn og fleira í þeim dúr. Ef ég ætti ekki börn og fyndið ég "verða" að gefa KDG eitthvað svona sæmilegt að borða þá væri ég enn í jógúrtinni og brauðinu og fá mér pasta til hátíðarbrigða sem var það sem ég borðaði flesta daga þegar ég bjó í Genf og eftir að ég flutti til Lausanne og var ein heima flest kvöld...
Og þegar ég hugsa um að þetta eigi ég eftir að gera í jah ég vil varla hugsa um hversu mörg ár í viðbót þá já...best að fara ekkert út í það. Reyndar bý ég nú það vel að Gummi eldar mjög oft en stundum er ég að "reyna" að vera agalega almennileg og hafa kvöldmatinn til þegar hann kemur heim úr vinnunni...það gerist samt ekkert rosalega oft;)

Kitchen Aid

Tue, 14 Sep 2010 10:44:01 GMT

Íbúðin mín ilmar núna eins og besta bakarí...búin að baka skinkuhorn, verkamannabrauð og hversdags kókoskaka í morgun. Kitchen Aid djásnið kólnar ekki í eldhúsinu;)

Nóg búið um að vera síðustu vikurnar, fengum fyrst 4 íslendinga í heimsókn til okkar í 4 daga. Má segja að við Gummi höfum fengið fína reynslu af því að reka B&B þá helgina;) Það var búið um rúm, eldað, bakað og að sjálfsögðu setið og spjallað við gestina. Virkilega gaman en það voru Atli og Vilhelm frændur mínir og svo vinapar þeirra sem voru á interrail ferðalagi um Evrópu og ákváðu að stoppa í Sviss í nokkra daga.
Nú svo kom SMH til okkar og var í heila 12 daga hjá okkur, það var náttúrulega bara gaman...að sjálfsögðu kíkt nokkrar ferðir í H&M...fast skotið á alla aðila og er ég víst ALVEG EINS og mamma...jah ef ekki bara verri í einhverjum tilvikum;)

Svo eru 20 dagar í að ég fari að vinna aftur...en ég meina hver er að telja eins og einn frændi minn sem er nýfluttur til Noregs og er að bíða eftir að fá konu og dætur til sín sagði við mig um helgina;)). Held að mig hafi bara aldrei langað eins lítið í vinnuna og núna en jæja best að velta sér ekki upp úr því...

Ferðalagið til Íslands er bókað...lent verður föstudagskvöldið 17. desember og flogið af landi brott 5. janúar. Hugsa að það verði þéttbókuð dagskrá flesta daga og það verður óneitanlega gaman að sjá fjölskyldur og vini sem við höfum marga ekki séð í 2 ár!!!

Þolinmæði

Mon, 23 Aug 2010 12:24:17 GMT

Ég verð seint þekkt fyrir að vera þolinmóð og verð afskaplega geðstirð ef hlutirnir ganga ekki strax upp hjá mér, held svei mér þá að ég hafi bara fæðst svona. Man sérstaklega eftir þessu hvað skólagöngu mína varðar en ég neitaði að læra stærðfræði í mörg ár og hélt því fram að ég hefði ekkert með stærðfræði að gera í mínu lífi, örlítil kaldhæðni því í dag þar sem að sú störf sem ég hef unnið síðustu ár hafa einmitt falist í því að vera þónokkuð mikið með tölur, ekki síst í því starfi sem ég er í núna þar sem að ég ber ábyrgð á að fleiri hundruð þúsund frankar skili sér til skólans.
Já og meira með þolinmæði og skólagöngu þá gjörsamlega tók ég út fyrir að vera í handavinnu í skóla, já og myndmennt, smíðum...já einmitt eiginlega bara allt þar sem ég gat ekki setið og lesið bók. Ég reifst og skammaðist við kennarana og var eflaust hundleiðinlegur nemandi....það bara pirraði mig svo að geta ekki gert hlutina vel í fyrstu tilraun.
Í gær kom ég sjálfri mér hins vegar afar mikið á óvart. Ákvað að fara niður í geymslu og sækja saumavélina mína til að gera við buxur sem ég á...held að þetta hafi verið í annað skipti sem ég tók saumavélina úr kassanum á þremur árum...aha segir ýmislegt. Þegar ég var búin að koma mér fyrir með saumavélina fyrir framan mig þá sá ég að ég þyrfti að setja svartan tvinna á spóluna áður en ég gæti byrjað...eftir nokkrar tilraunir þá komst ég að því að ég var hreint ekkert svo rosalega pirruð og á endanum tókst þetta hjá mér og fór þetta þannig að ég byrjaði á svörtum tvinna í buxurnar, skipti svo í hvítan til að laga gardínurnar hjá KDG og að lokum í brúnan fyrir gardínurnar í hinum herbergjunum.

Stolt af sjálfri mér?? Já þið getið rétt ímyndað ykkur;)

Hugh Grant og ég

Wed, 18 Aug 2010 11:22:00 GMT

Í myndinni "About a boy" leikur Hugh Grant persónu sem lifir á forni frægð látins föðurs sem hafði e-n tímann samið lag og Hugh Grant lifði af stefgjöldum o.sfrv. Í myndinni byggist líf hans upp (í byrjun) á e-ju sem hann lýsir sem "einingum", þ.e. hver eining er hálftími og fóru 2 einingar í bað hjá honum o.s.frv.

Ég komst að því í morgun að líf mitt byggist að nokkru leyti á svona einingum;
1 eining í að taka til og borða morgunmat með KDG
1,5 eining að fara í sturtu og klæða mig+börn
2 einingar að koma okkur út
2,5 eining í tölvu (skipt yfir daginn)
og svo framvegis...

Aldeilis áhugavert líf eða hvað;)

Júlí

Sun, 11 Jul 2010 19:37:01 GMT

Loksins kem ég mér í það að blogga...hefði auðveldlega náð að blogga aftur áður en að barnið mætti í heiminn en nennti því ekki. Held það sé óhætt að segja að júní mánuður hafi verið frekar viðburðarríkur hjá okkur hérna í Sviss og var toppnum sennilega náð þegar 23. júní eða á afmælisdaginn minn fæddist lítil stelpa hérna í Sviss. Jájá gamlar fréttir fyrir alla sem lesa þetta blogg enda fréttin fljót að fara eins og eldur um sinu á Íslandi;)
Nú eru annars að verða liðnar 3 vikur síðan Viktoría Dögg kom í heiminn og tíminn flýgur áfram. Gummi farinn að vinna aftur og ég dúlla mér heima með krílin...margt verra en það svo mikið er víst! Reyndar er hitinn búinn að vera að fara með okkur síðustu daga en ég stjórna víst ekki veðrinu þó ég stjórni mörgu öðru...
Sé fæðingarorlofið fljúga frá mér í þetta skiptið en er e-n veginn mun meðvitaðri núna um hversu stuttur tími þetta er...3 vikur að verða búnar og því aðeins 11 eftir...úff alltof alltof stuttur tími. Reyndar þá er ekki stefnan sett á að fara í meira en 40-50% vinnu...það er svona að búa í afturhaldsríki eins og Sviss eins og ein vitur kona segir oft við mig;) Man ekki hvort ég var búin að segja frá því hérna en fyrir ekki svo löngu síðan þá neitaði mikill meirihluti þingmanna á svissneska þinginu að lengja fæðingarorlofið upp í 18 vikur...þeir eiga s.s. langt í land miðað við mörg önnur lönd!
Jæja spurning um að nýta tímann í eitthvað gáfulegra en röfl á netinu...sem betur fer síðasta kvöldið sem það er fótbolti í sjónvarpinu og þá verður vonandi frí í smá tíma áður en aðrir "stór"leikir (iðulega talað um STÓRleiki á heimilinu þegar það er fótbolti í sjónvarpinu...ég er farin að halda að allir leikir séu stórleikir;)) hefja göngu sína...
Erum að fá gesti á þriðjdagskvöldið og ég ætti því kannski að halda áfram að snurfusa gestasvítuna hérna í Chemin de la Barme!

Sviss

Tue, 15 Jun 2010 15:16:46 GMT

Ætli þetta verði ekki síðasta bloggið áður en að krílið lætur sjá sig hérna í Sviss. 4 dagar í settan dag og það virðist una sér vel í bumbunni. Ég og KDG höfum það gott hérna heima á daginn meðan Gummi er í vinnunni. Reikna nú með að allir lesendur þessa bloggs séu búnir að frétta af giftingunni hérna í Sviss laugardaginn 12. júní en þá tókum ég og Gummi okkur til og létum pússa okkur saman. Engin skyndiákvörðun reyndar en mikið leyndarmál og vissi engin af þessu. Bara gaman að því!
Það er sem sagt allt í blóma hérna í Sviss, reyndar er mér hætt að standa á sama um að veðrið sé betra á Íslandi en hérna í Sviss og fer ég að sannfærast um það að sumarið verði ekkert sérstakt, svona veðurlega séð. Annars er von á góðum gestum í júlí, ágúst, september og október! Spurning um að fara að setja óskalista saman yfir góðgæti frá Íslandi;)

Sumarfrí...

Tue, 01 Jun 2010 11:38:31 GMT

Er hætt að vinna frá og með gærdeginum...aldeilis ljómandi bara verð ég að segja:) 18 dagar í settan dag og ekki seinna vænna en að fara að koma öllu í "stand" í Chemin de la Barme. Nýt þess að vera heima með Kristófer Degi og krúttast með honum enda hefur afar lítið farið fyrir því síðustu mánuði þar sem dagarnir í vinnunni hafa verið afar langir og lítill tími fyrir annað en mat, bað og rúmið eftir að heim hefur verið komið. Nema náttúrulega fyrir utan helgarnar sem eru því miður alltof fljótar að líða eins og alltaf...
Au-pairið farið heim en við skutluðum henni til Genf á sunnudaginn...mikill söknuður í þessari stelpu en við alveg einstaklega heppin að fá hana, ekki síst þar sem þetta var í svona stuttan tíma og með frekar stuttum fyrirvara! Ég held reyndar að KDG sé ekki alveg að meðtaka þetta því hann kemur framúr á morgnana og fer á milli herbergja að leita;)
En já sem sagt bara ljúft líf að vera hætt að vinna..það var líka óvænt ráðin inn önnur kona á skrifstofuna í síðustu viku og var því orðið frekar þröngt á þingi og því alveg eins gott fyrir mig að láta mig hverfa...Sagan endalausa með nýju samstarfskonu nr. 1 heldur áfram en ég hef sennilega aldrei unnið með nokkurri annarri manneskju sem hefur verið eins oft veik/heima með veikum eiginmanni/tekið sér aukafrídag til að fara í banka (vinnur samt bara 80% og er alltaf í fríi á föstudögum)/og svona mætti lengi telja áfram. En yfirmaður okkar (og ég reyndar líka) eigum ekkert sérstaklega mikla von á því að hún dvelji lengi í fyrirtækinu og var því ákvörðunin tekin um að ráða samstarfskonu nr. 2....rosa stuð!
En jæja kannski ég nýti tímann og geri eitthvað hérna meðan KDG leggur sig...

Svisslendingar lita a björtu hlidarnar fyrir sumarid 2010;)

Fri, 21 May 2010 06:55:39 GMT

Vinna

Mon, 10 May 2010 08:32:07 GMT

Ákvað ad blogga þó svo að ég sé í vinnunni...er búin að eiga svo gríðarlega áhugaverðan mánudagsmorgun ad það hálfa væri nóg...nýja samstarfskonan mín er ekki nógu ánægð í vinnunni og hefur það eitthvað með mig að gera. Við töluðum tvær saman og svo þrjú með yfirmanni okkar sem fór þannig að hún fór grátandi út. Get ekki sagt að ég hafi mikla ánægju af því að koma fólki til að gráta...ekki það að það hafi allt verið "mér að kenna". Verð að leggjast í mikla sjálfskoðun held ég þar sem að ég kem víst fyrir sem frekar köld og erfitt fyrir fólk að átta sig á mér...afhverju hefur engin sagt mér þetta fyrr??? Meira að segja yfirmaðurinn okkar sagði að hann hafi ekki alltaf vitað hvar hann hafði mig þegar hann byrjaði hérna fyrir 5 mánuðum síðan....úbbosí.
En eftir miklar umræður fram og tilbaka þá varð niðurstaðan sú að hún ætlar að hugsa málið og sjá hvort að hún vilji vera hérna áfram...ok svona áður en að þið haldið að ég hafi umbreyst eitthvað hérna þá var hún búin að láta mig, sem og yfirmann okkar, vita að hún væri ekkert sérstaklega ánægð hérna í vinnunni og þá aðallega vegna þess að vinnan væri lítið áhugaverð að hennar mati. Þannig að þetta er sem sagt ekki "allt" mér að kenna...nei nei hafði minnst með mig að gera víst að hennar mati. Mæli annars ekkert með því að byrja vikuna svona...sem betur fer er frí á fimmtudaginn sem er afar kærkomið. Fer svo annars bara að hætta að nenna að mæta í vinnuna...rétt tæpar 6 vikur í settan dag og þetta fer því bara að verða ágætt;) Agalegt að vera svona heilsuhraust og að vera ekki búin að tileinka sér siði svissneskra kvenna og hætta bara að vinna 2 mánuðum fyrir settan dag hahah;)
Ekki það að vikurnar fljúga ekki áfram á ógnarhraða hérna...nýja au-pairið er að standa sig með þvílíkri prýði. Held að við hefðum ekki getað verið heppnari með stelpu svona þar sem að við urðum að fá einhverja í einungis örfáar vikur. Aðeins 3 vikur í að hún fari...jah nema að Katla verði farin að gjósa og hún komist náttúrulega ekki neitt;) Nei nei vonum auðvitað að hún komist aftur til síns heima.
Nú sit ég hérna fyrir framan tölvuna með skrifteppu á háu stigi...verð í alvörunni að fara að taka niður punkta í hvert sinn sem mér dettur eitthvað áhugavert í hug til að blogga um...það gerist nefnilega býsna oft en skilar sér augljóslega ekki hingað inn;)
Langar í sól og sumar...búið að rigna síðustu daga eins og ég veit ekki hvað og barasta alveg komið nóg af rigningu hérna. En það þýðir örugglega bara að það verður sól og blíða hvern einasta dag í allt sumar þegar ég verð heima við...getur ekki þýtt neitt annað;) Alveg farin að hlakka til að dúllast með KDG í a.m.k. nokkra daga áður en að barn nr 2 lætur sjá sig. Fór í heimsókn á sjúkrahúsið í síðustu viku og átti klukkutíma spjall við ljósmóður. Hún vinnur sjálf ekki á sjúkrahúsinu en þetta er víst eitthvað sem er gert hérna í "sveitinni" og reyna nokkrar ljósmæður að hitta allar konur sem eiga að fæða á sjúkrahúsinu í Aigle. Bara fínt eiginlega en hún gat því miður ekki sýnt mér hvernig aðstaðan er hjá þeim en útskýrði þetta allt fyrir mér og hljómar þetta voða fínt. Allt gert á eins "náttúrulegan" hátt og hægt er...bara 1 manns herbergi (sem verður lúxus frá því í Lausanne)...fæ að fara heim eftir 4-6 klukkutíma ef þess er óskað en get verið lengur...allt eftir því hvernig ég vil hafa það.
En jæja ætli ég hafi þetta nokkuð lengra hérna...spurning um að vinna aðeins;)

Vor í lofti

Sat, 20 Mar 2010 19:19:38 GMT

Loksins farið að hlýna í Sviss og sást það best í dag þegar ég var að labba úr búðinni og framúr mér labbaði kona sem sneri sér við og benti mér á að vorið væri komið, þegar ég leit í áttina sem hún benti sá ég að það voru bleik blóm sprungin út á nokkrum trjám...yndislegt alveg hreint. Sátum reyndar úti á svölum eftir hádegi í gær líka þegar Sirrý kom í heimsókn í sveitina...það sem ég hlakka mikið til sumarsins!!!
Erum annars líklegast búin að leysa barnapössunarmál í Maí með því að það kemur 18 ára stelpa frá Íslandi og verður hérna í 5 vikur...Erla ákvað að fara mánuði fyrr eða 1.maí og varð því að redda málunum á einn eða annan hátt. Ég stefni a.m.k. á að vera í 100% vinnu alveg fram að mánaðarmótum maí/júní en þá væri ég líka alveg til í að hætta bara og dúllast með Kristófer;) Heilsan alla veganna með afbrigðum góð og vonandi að það haldist bara áfram. Nóg að gera í vinnunni en nýja samstarfskonan byrjaði fyrir rúmri viku síðan, nóg að kenna henni og sýna og okkur kemur mjög vel saman sem er langt í frá að vera sjálfsagður hlutur vil ég meina en óneitanlega mikill kostur. Verð annars oft agndofa í vinnunni yfir mörgum af þessum ungu krökkum sem tala frá fjórum og upp í sex tungumál reiprennandi, alveg magnað og gaman að spjalla við svona klára krakka.
Er ein heima í kvöld, jah með Kristófer sem er farinn að sofa, og ég bara man ekki hvenær það gerðist síðast...heilt kvöld framundan þar sem ég get t.d. legið upp í sófa og horft á nákvæmlega það sem mig langar til án þess að e-r skipti sér af;) Afar ljúft...Gummi er að elda í veislu í Lausanne en hann fékk símtal í gær frá konu sem hann þekkir og hefur áður eldað fyrir heima hjá henni...fólk sem á nóg af peningum og Gummi getur því bara sett það verð upp sem hann vill fá og það er samþykkt. Gaman að vera beðinn um svona...ekki síst þegar hann (við) erum flutt úr borginni í sveitinni;) Einmitt rúmt ár um þessar mundir síðan að við fluttum í sveitina, sjáum ekki eftir því...langt í frá. Yndislegt að vera hérna í Collombey þó svo að það sé alveg magnað hvað það er oft langt t.d. frá Lausanne til Collombey en stutt í hina áttina;) En þetta kannast maður svo sem við frá því að vera að norðan þar sem er alltaf svo langt frá Reykjavík til Akureyrar en mun styttra í hina áttina!
Óskar frændi er annars á leið í heimsókn núna í byrjun apríl, fyrsta heimsóknin bókuð á þessu ári...mamma og pabbi Gumma koma svo um miðjan júlí en annað er ekki frágengið en auðvitað væri gaman að sjá sem flesta;) Ætli við reynum svo ekki að skjótast heim um jólin 2010 og náum vonandi tveimur vikum...eins gott að fara að panta tíma þeir sem vilja sjá okkur hahahahah:)
En sumarið er sem sagt á allra næsta leyti og ekki laust við að þetta sumar verði þó nokkuð mikið öðruvísi heldur en þau síðustu. Mikil tilhlökkun hjá okkur eins og gefur að skilja en settur dagur er 19.júní, a.m.k. vona ég að það standist. Fór nefnilega í sérstaka skoðun á sjúkrahúsinu í þar síðustu viku þar sem læknirinn vildi meina að ég ætti frekar að vera sett 6. júní...já myndi örlítið breyta stöðunni;) En fer í skoðun hjá mínum lækni á mánudaginn og bið hana þá um að endur-staðfesta 19.júní! Gummi fer einmitt í sumarfrí 19.júní svo það myndi hitta vel á að hann gæti þá náð tveimur vikum með okkur heima. En þetta kemur víst allt í ljós þegar líður tekur á...
Alltaf gaman að sjá hverjir fylgjast með mér hérna og segi ég því bara takk fyrir að nenna að fylgjast með...eitt er alla veganna víst og það er að ég er ekki duglegast bloggarinn á svæðinu;) Bestu kveðjur til allra nær og fjær úr vorblíðunni í Sviss!